ગુજરાત લિકર ટ્રેજેડી: અરવિંદ કેજરીવાલ ભાવનગર હોસ્પિટલની મુલાકાત લેશે, પીડિતોને મળશે

મંગળવારે કેજરીવાલે ટ્વિટ કર્યું હતું કે, “તે ખૂબ જ દુઃખદ છે કે ગુજરાતમાં નકલી દારૂના કારણે 23 થી વધુ લોકોના મોત થયા છે અને 40 થી વધુ લોકો હોસ્પિટલમાં છે.” તેમણે વધુમાં કહ્યું કે હું તમામ મૃતકોને શ્રદ્ધાંજલિ અર્પણ કરું છું અને આ દુઃખની ઘડીમાં પીડિતો પ્રત્યે મારી સંવેદના વ્યક્ત કરવા આજે ભાવનગર હોસ્પિટલ જઈ રહ્યો છું.

કેજરીવાલે રાજકીય સમર્થનનો આરોપ લગાવ્યો હતો
અગાઉ સોમવારે, કેજરીવાલે ગુજરાતમાં નકલી દારૂની દુર્ઘટનાને “દુર્ભાગ્યપૂર્ણ” ગણાવી હતી અને આરોપ લગાવ્યો હતો કે રાજ્યમાં દારૂનું વેચાણ કરનારાઓને રાજકીય સમર્થન છે. રાજ્યમાં દારૂના વેચાણ પર પ્રતિબંધ છે. કેજરીવાલે કહ્યું હતું કે, “દુર્ભાગ્યની વાત છે કે ગુજરાતમાં દારૂબંધી પછી પણ મોટા પ્રમાણમાં ગેરકાયદેસર દારૂ વેચાય છે. કોણ છે આ દારૂ વેચનારા લોકો? તેઓ રાજકીય આશ્રય ભોગવે છે. પૈસા (દારૂના વેચાણમાંથી) ક્યાં જાય છે? તેની તપાસ કરવાની જરૂર છે.

એટીએસ પણ તપાસમાં લાગી ગઈ છે
તમને જણાવી દઈએ કે બોટાદમાં બનેલી આ દુર્ઘટના મામલે અત્યાર સુધીમાં 10 લોકોની અટકાયત કરવામાં આવી છે. એક તરફ સીએમ ભૂપેન્દ્ર પટેલ સતત મોનીટરીંગ કરી રહ્યા છે તો બીજી તરફ ગુજરાત પોલીસની સાથે એન્ટી ટેરરિઝમ સ્ક્વોડ (ATS) અને અમદાવાદ ક્રાઈમ બ્રાંચ પણ કેસની તપાસમાં લાગેલી છે. આ સાથે SITની પણ રચના કરવામાં આવી છે.